Կրթահամալիրի տնօրենի սուրհանդակը
Ժամանակահատվածը՝ ապրիլի 13-ից մինչև ապրիլի 17-ը
Մասնակիցներ՝ 2-5 տարեկաններ և ծնողներ
Նկարագրություն ՝ 2-4 տարեկանները և ծնողներն իրականացնում են առցանց-հեռավար ուսուցում:Ծնողները ներկայացնում են իրենց առաջարկած ընտանեկան նախագծերը:
Արդյունքը՝ ֆիզիկական զարգացում,տրամաբանություն, ուշադրության կենտրոնացում, ստեղծագործական երևակայության զարգացում:
Ծանոթացում հեքիաթներին, Կոմիտասյան երգերին, բակային խաղերին:
Խմբային աշխատանք, նյութերի ստեղծում:
Հեռավար -առցանց ուսուցում
Ընտանեկան նախագիծ
13.04.2020թ (երկուշաբթի)
«Իմ ընտանիքը»
Պատմում են 2-5 տարեկանները՝ ներկայացնելով իրենց ընտանիքի անդամներին:
«Իմ օրը»
2-5 տարեկանները պատմում իրենց օրվա գործունեության մասին:
Հայելիներով խաղ
Երեխաները կանգնում են հայելու առաջ, զրուցում են…
14.04.2020թ (երեքշաբթի)
Ջրային խաղեր
Ջրի համը և հոտը:
Ջրի մեջ կարող եք մեկ գդալ աղ, շաքարավազ, լիմոնի աղ լցնել և համտեսել:
Լող
Խաղ-մրցույթ՝ ես կարողանում եմ գլուխս ջրի մեջ շունչս պահել:
Ջրային խաղեր
1. տե՛ս այստեղ
15.04.2020 (չորեքշաբթի)
Զբոսանք, բակային խաղեր, ռեզին, գնդակ, պարան, հեծանիվ, ինքնագլոր
Խաղ՝ «Թզուկներ և հսկաներ»
Խաղացողները կանգնում են շրջանով: Երբ խաղավարն ասում է` հսկաներ և ձեռքը վեր բարձրացնում, բոլորը բարձրանում են ոտնաթաթերին, իսկ եթե ասում է` թզուկներ և ձեռքերը ներքև իջեցնում, կքանստում են: Խաղավարը խաղի ընթացքում ձեռքերի սխալ շարժումով շփոթեցնում է երեխաներին, պետք է ուշադիր լինեն, ով շփոթվում է, խաղից դուրս է գալիս:
Խաղ՝ «Ես բարձր եմ, դու` ցածր»
Խաղում են 2-ական հոգով` մեծ մասամբ հոգնած մեջքերը հանգստացնելու համար: Խաղացողները կանգնում են մեջքերն իրար կպցրած և երկուսի թևերը մեկը մյուսին շղթայած: Այդ դրությամբ մեկընդմեջ կռանալով` մյուսին առնում է իր շալակը: Շալակողի հարցումով նրանց միջև տեղի է ունենում հետևյալ խոսակցությունը:
— Տակդ ի՞նչ կա:
— Վերմակ, ներքնակ:
Ապա շալակողն էր հարցնում։
— Վրեդ ի՞նչ կա:
— Աստղ ու լուսնյակ:
Խաղացողները կարող են կամաց-կամաց արագացնել այդ գործողությունը:
Խաղ՝ «Բարձ -ցածր»
16.04.2020 (հինգշաբթի)
Այլընտրանքային նկարչություն
Ճվիկներ
Ճիվու, ճիվու, ճնճղիկ,
Թռավ, գնաց առվի եզրիկ,
Կերավ կուտիկ,
Խմեց ջրիկ,
Թռավ մտավ …-ի ծոցիկ:
Ճվիկ, ճվիկ, Ակնա ճվիկ,
Ճվիկ գնաց հեռու քաղաք,
Բուրդ բերեց, բամբակ բերեց,
Թել մանենք, գլխարկ գործենք,
Մեր …-ի գլխին կործենք:
Թը~ռռ ճվիկ:
Ծափիկ-ծափիկ, ծափ նաներով,
Փլավ կեփենք պուտուկներով,
Գդալ չկա, շերեփ չկա,
Մենք էլ կուտենք մատիկներով:
Ծափիկ, ծափիկ, ծափլատիկ,
Չալ խնձորիկ, փշատիկ,
Ծալիկ, մալիկ, ծուռ աքլորիկ,
Ծկլակտուց, ծկլամերիկ,
Կուտ ուտի, կուտման ուտի,
Ծակ շերեփով ծիկրակ անի:
17.04. 2020(ուրբաթ)
Հովհաննես Թումանյան,Ղազարոս Աղայան,Ջաննի Ռոդարի
Ընթերցումներ, խաղ-բեմադրություն, տիկնիկային ներկայացումներ
Հարգելի՛ ծնողներ,նյութերն ուղարկում եք ամեն օր՝ հետևելով ծրագրին:
Նկարելուց հեռախոսն ուղիղ մի՛ պահեք: Սիրով սպասում եմ ձեր նյութերին:
Աննա Հայրոյանի բլոգ 