Рубрика: Ուսումնական նյութեր

Ծննդյան այլընտրանքային տորթեր

Ուրախ, զվարճալի խաղ:Առավոտյան նախավարժանքը սկսեցինք գնդակներով ծննդյան տորթ պատրաստելով: Հետո մրգերով տորթ պատրաստեցինք, քանի  որ ծննդյան տորթն ամենահամեղն է:

Рубрика: Ուսումնական նյութեր, Ծեսեր

Շաքարաքլոր

Ծննդյան ծեսի համեղ կոնֆետը՝ մեր պատրաստած շաքարաքլորներն են:

2-4 տարեկանները շաքարաքլոր բառը դժվարանում էին ասել ,բայց շատ էին ուրախացել, բոլորի աչքերը փալում էին:

-Շոքոաքլոր,շորաքլոր,ծուղրուղու աքլոր…

Մի քանի անգամ շաքարաքլոր բառը ծափերով կրկնեցինք, և ուտելուց հետո միայն բոլորը կարողացան շաքարաքլոր բառը ճիշտ ասել:

Рубрика: Ուսումնական նյութեր, Ծեսեր

Խաղ-թռնոցիներ

  • Ընտանեկան նախագիծ Հարգելի’ ծնողներ, ընտրեք այս խաղ-թռնոցիներից մեկը: Սովորեք և խաղացեք:Մինչև շաբաթավ վերջ նկարեք և ուղարկեք ինձ: a.hayroyan@mskh.am

ՃիվուճիվուՃիվուճիվուՃիվու

Ճիվուճիվուճնճղիկ,
Թռավգնաց առվի եզրիկ,
Կերավ կուտիկ,
Խմեց ջրիկ,
Թռավ մտավ Աստղիկի ծոցիկ:
Թը~ռռ ճվիկ:

Թը~ռռ ճվիկ:

Թը~ռռ ճվիկ:


  • Միասնական խաղ-թռնոցի.
    Ճիվու, ճիվու, ճնճղիկ,
    Թռավ, գնաց առվի եզրիկ,
    Կերավ կուտիկ,
    Խմեց ջրիկ,
    Թռավ մտավ Աստղիկի ծոցիկ:
  • Միասնական խաղ-թռնոցի
    Տո՜տ, տո՜տ, տո՜տ արա,
    Տոտիկներդ փոխ արա,
    Կանաչ խոտիկ փոխ արա:
  • Միասնական խաղ-թռնոցի
    Կլորիկ ու թմբլիկ եմ,
    Պստլիկ ու ճստլիկ եմ,
    Քիթս պուճուր–պուճուրիկ է,
    Աչուկներս սևուլիկ են,
    Կա՞ ինձ նման սիրունիկը:
    Չկա, չկա, չկա:
  • Միասնական խաղ-թռնոցի
    Հա թռի, թռի, թռցնեմ,
    Չիր ու չամիչ կերցնեմ,
    Մեղր ու կարագ կերցնեմ,
    Աղբյուրի ջուր խմցնեմ,
    Հա թռի, թռի, չուր ի լուս,
    Պապեն գիկա կենա դուս:
  • Միասնական խաղ-թռնոցի
    Ծիլ, ծիլ, ծիլծիլա,
    Ելեք, տեսեք` ո՞վ կուգա,
    Պստի պապը տուն կուգա,
    Չամիչ ուտելեն կուգա,

    Ճանճը տզզալեն կուգա,
    Ճնճուղը  թը՜ռնելեն կուգա:
  • Միասնական խաղ-թռնոցի
    Ծափիկ-ծափիկ, ծափ նաներով,
    Փլավ կեփենք պուտուկներով,
    Գդալ չկա, շերեփ չկա,
    Մենք էլ կուտենք մատիկներով:
    Ծափիկ, ծափիկ, ծափլատիկ,
    Չալ խնձորիկ, փշատիկ,
    Ծալիկ, մալիկ, ծուռ աքլորիկ,
    Ծկլակտուց, ծկլամերիկ,
    Կուտ ուտի, կուտման ուտի,
    Ծակ շերեփով ծիկրակ անի:
  •  Խնոցի- ասերգ
    -Խնոցի,
    -Հարոցի.
    Թանը հանի` քամեցի,
    Սրսուռ չորթան շինեցի,
    Եղով ապուր եփեցի,
    Պետոն ուզեց` տփեցի:
    Երգ․
    Հարի, հարի, խնոցի,
    Մեջդ բարի, խնոցի,
    Ունկդ բարակ, խնոցի,
    Մեջդ կարագ, խնոցի:
    Փլավ կեփեմ՝ եղ չըկա,

    Փեսեն էկավ՝ տեղ չկա,
    Հարի, հարի, խնոցի,
    Մեջդ բարի, խնոցի:

Թռի, թռի, թիթեռնիկ,
Եկեղեցու ծիծեռնիկ,
Խաչ պատուհան կուտ քաղե,
Ավազանի ջուր խմե:
Վարդի դաստա խորոտիկ,
Ռեհանի փունջ մորոտիկ,
Քեզմեն առնեմ հոտհոտիկ,
Իմ սիրունիկ աղունիկ:

Рубрика: Ուսումնական նյութեր, Վերապատրատումներ

Վերապատրաստման առաջին օր

Այսօր Նախադպրոցական հաստատություններում աշխատող դաստիարակների վերապատրաստման առաջին օրն էր:Վերապատրաստվողներն էին Կոտայքի մարզի Քաղսի համայնքի մանկապարտեզի դաստիարակներ Անահիտ Վիրաբյանը և Մերի Հունանյանը: Արագ ծանոթացանք, շրջեցինք Քոլեջ-պարտեզում՝ այցելեցինք բոլոր խմբերը, եղանք ջերմոց-լաբորատորիայում,կարի արհեստանոցում, գինու արտադրամասում :

Ծանոթացան «Մանկան ծննդյան ուրախություն» ծիսական նախագծին, և խաղացինք ծիսական խաղիկները: Հավես և հագեցած օր էր:

Рубрика: Ուսումնական նյութեր, Ծեսեր

Հարիսայի ծես

Օրը սկսեցինք ուրախ ռոդարիական նախավարժանքով: Հետո արագ ծնողներով սեղան գցեցինք և համտեսեցինք մեր դրած թթուն և խոհարարի պատրաստած համեղ հարիսան՝ խմելով անմահական գինին:

Շատ համեղ թթու է, բայց գինին շատ լավն է: Հուսանք՝ Նոր տարվան էլ կխմենք: Տաթևի հայրիկն էլ խոստացավ ուզբեկական փլավ պատրաստել Ամանորին՝նորից գինին համտեսելու ակնկալիքով: